وہ کب آئیں خدا جانے ستارو تم تو سو جاؤ

وہ کب آئیں خدا جانے ستارو تم تو سو جاؤ

ہوئے ہیں ہم تو دیوانے ستارو تم تو سو جاؤ

کہاں تک مجھ سے ہمدردی کہاں تک میری غم خواری

ہزاروں غم ہیں انجانے ستارو تم تو سو جاؤ

گزر جائے گی غم کی رات امیدو تو جاگ اٹھو

سنبھل جائیں گے دیوانے ستارو تم تو سو جاؤ

ہمیں روداد ہستی رات بھر میں ختم کرنی ہے

نہ چھیڑو اور افسانے ستارو تم تو سو جاؤ

ہمارے دیدۂ بے خواب کو تسکین کیا دو گے

ہمیں لوٹا ہے دنیا نے ستارو تم تو سو جاؤ

اسے قابلؔ کی چشم نم سے دیرینہ تعلق ہے

شب غم تم کو کیا جانے ستارو تم تو سو جاؤ

wo kab aen khuda jane sitaro tum to so jao

hue hain ham to diwane sitaro tum to so jao

kahan tak mujh se hamdardi kahan tak meri gham khwari

hazaron gham hain anjane sitaro tum to so jao

guzar jaegi gham ki rat ummido to jag utho

sambhal jaenge diwane sitaro tum to so jao

hamen rudad-e-hasti rat bhar mein khatm karni hai

na chhero aur afsane sitaro tum to so jao

hamare dida-e-be khwab ko taskin kya doge

hamen lauta hai duniya ne sitaro tum to so jao

use qabil ki chashm-e-nam se derina taalluq hai

shab-e-gham tum ko kya jane sitaro tum to so jao