وہ وہاں غیر کو مہمان کئے بیٹھے ہیں

وہ وہاں غیر کو مہمان کئے بیٹھے ہیں

ہم یہاں عیش کا سامان کئے بیٹھے ہیں

زہر کھا لیں گے شب وعدہ نہ آؤ گے اگر

اپنی مشکل کو ہم آسان کئے بیٹھے ہیں

کل شب وصل تھی سب عیش میسر تھے ہمیں

آج ہم چاک گریبان کئے بیٹھے ہیں

عشق پردے میں رہے کب تلک اے جوش جنوں

ہم بھی طوفان کا سامان کئے بیٹھے ہیں

ان کی زلفوں کا تصور بھی غضب ہے عاشقؔ

دل کو خود اپنے پریشان کئے بیٹھے ہیں

wo wahan ghair ko mehman kiye baithe hain

ham yahan aish ka saman kiye baithe hain

zahr kha lenge shab-e-waada na aoge agar

apni mushkil ko ham asan kiye baithe hain

kal shab-e-wasl thi sab aish muyassar the hamen

aj ham chak gareban kiye baithe hain

ishq parde mein rahe kab talak ai josh-e-junun

ham bhi tufan ka saman kiye baithe hain

un ki zulfon ka tasawwur bhi ghazab hai ashiq

dil ko khud apne pareshan kiye baithe hain