وہ مجھ سے بے خبر ہیں ان کی عادت ہی کچھ ایسی ہے

وہ مجھ سے بے خبر ہیں ان کی عادت ہی کچھ ایسی ہے

میں ان کو یاد کرتا ہوں محبت ہی کچھ ایسی ہے

میں آؤں وعظ میں سو بار جب یہ دل بھی آنے دے

کروں کیا واعظو رندوں کی صحبت ہی کچھ ایسی ہے

میں کس گنتی میں ہوں اور اک مرے دل کی حقیقت کیا

ہزاروں جان دیتے ہیں وہ صورت ہی کچھ ایسی ہے

کوئی آئے یہ آتی ہے کوئی جائے یہ جاتا ہے

مرا دل ہی کچھ ایسا ہے طبیعت ہی کچھ ایسی ہے

ہمارا کیا بگڑ جاتا حسنؔ تیری سفارش میں

ہماری ان کی اب صاحب سلامت ہی کچھ ایسی ہے

wo mujh se be khabar hain un ki adat hi kuchh aisi hai

main un ko yad karta hun mohabbat hi kuchh aisi hai

main aun waaz mein sau bar jab ye dil bhi ane de

karun kya waizo rindon ki sohbat hi kuchh aisi hai

main kis ginti mein hun aur ik mire dil ki haqiqat kya

hazaron jan dete hain wo surat hi kuchh aisi hai

koi ae ye ati hai koi jae ye jata hai

mira dil hi kuchh aisa hai tabiat hi kuchh aisi hai

hamara kya bigar jata husn teri sifarish mein

hamari un ki ab sahab salamat hi kuchh aisi hai