وہ پوچھتے ہیں ہجر میں ہے اضطراب کیا

وہ پوچھتے ہیں ہجر میں ہے اضطراب کیا

حیران ہوں کہ دوں انہیں اس کا جواب کیا

دل اور وہ بھی صرف مرا دردمند دل

تیری نگاہ نے یہ کیا انتخاب کیا

جاتی نہیں خلش الم روزگار کی

اے آسماں ہوا وہ ترا انقلاب کیا

نظارۂ جمال کی یاں تاب ہی نہیں

اے برق حسن چاہیئے تجھ کو نقاب کیا

وعدہ بھی کر لو وعدہ پہ یاں آ بھی جاؤ تم

یہ سب سہی تمہاری نہیں کا جواب کیا

بیش از گمان خواب نہیں فرصت حیات

فانیؔ تم اس خیال کو سمجھے ہو خواب کیا

wo puchhte hain hijr mein hai iztirab kya

hairan hun ke dun unhen us ka jawab kya

dil aur wo bhi sirf mira dardmand dil

teri nigah ne ye kiya intikhab kya

jati nahin khalish alam-e-rozgar ki

ai asman hua wo tira inqilab kya

nazara-e-jamal ki yan tab hi nahin

ai barq-e-husn chahiye tujh ko naqab kya

waada bhi kar lo waada pe yan a bhi jao tum

ye sab sahi tumhari nahin ka jawab kya

besh az guman khwab nahin fursat-e-hayat

fani tum is khayal ko samjhe ho khwab kya