وہ نبیوں میں رحمت لقب پانے والا

وہ نبیوں میں رحمت لقب پانے والا

مرادیں غریبوں کی بر لانے والا

مصیبت میں غیروں کے کام آنے والا

وہ اپنے پرائے کا غم کھانے والا

فقیروں کا ملجا ضعیفوں کا ماویٰ

یتیموں کا والی غلاموں کا مولیٰ

خطا کار سے درگزر کرنے والا

بد اندیش کے دل میں گھر کرنے والا

مفاسد کا زیر و زبر کرنے والا

قبائل کو شیر و شکر کرنے والا

اتر کر حِرا سے سوئے قوم آیا

اور اک نسخہ کیمیا ساتھ لایا

مس خام کو جس نے کندن بنایا

کھرا اور کھوٹا الگ کر دکھایا

عرب جس پہ قرنوں سے تھا جہل چھایا

پلٹ دی بس اک آن میں اس کی کایا

رہا ڈر نہ بیڑے کو موجِ بلا کا

اِدھر سے اُدھر پھر گیا رخ ہوا کا

wo nabiyon mein rahmat laqab pane wala

muraden gharibon ki bar lane wala

musibat mein ghairon ke kam ane wala

wo apne parae ka gham khane wala

faqiron ka malja zaifon ka mawa

yatyimon ka wali ghulamon ka moli

khata kar se darguzar karne wala

bad andesh ke dil mein ghar karne wala

mafasid ka zer-o-zabar karne wala

qabail ko sher-o-shakar karne wala

utar kar hira se su-e-qaum aya

aur ik nuskha kimiya sath laya

mis-e-kham ko jis ne kundan banaya

khara aur khota alag kar dikhaya

arab jis pe qarnon se tha jahl chhaya

palat di bas ik an mein us ki kaya

raha dar na bere ko mauj-e-bala ka

idhar se idhar phir gaya rukh hawa ka