وہ سامنے تھا پھر بھی کہاں سامنا ہوا

وہ سامنے تھا پھر بھی کہاں سامنا ہوا

رہتا ہے اپنے نور میں سورج چھپا ہوا

اے روشنی کی لہر کبھی تو پلٹ کے آ

تجھ کو بلا رہا ہے دریچہ کھلا ہوا

سیراب کس طرح ہو زمیں دور دور کی

ساحل نے ہے ندی کو مقید کیا ہوا

اے دوست چشم شوق نے دیکھا ہے بارہا

بجلی سے تیرا نام گھٹا پر لکھا ہوا

پہچانتے نہیں اسے محفل میں دوست بھی

چہرہ ہو جس کا گرد الم سے اٹا ہوا

اس دور میں خلوص کا کیا کام اے شکیبؔ

کیوں کر چلے بساط پہ مہرہ پٹا ہوا

wo samne tha phir bhi kahan samna hua

rahta hai apne nur mein suraj chhupa hua

ai raushni ki lahr kabhi to palat ke a

tujh ko bala raha hai daricha khula hua

sairab kis tarah ho zamin dur dur ki

sahil ne hai nadi ko muqayyad kya hua

ai dost chashm-e-shauq ne dekha hai barha

bijli se tera nam ghata par likha hua

pahchante nahin use mahfil mein dost bhi

chehra ho jis ka gard alam se ata hua

is daur mein khulus ka kya kam ai shakeb

kyun kar chale bisat pe mohra pita hua