وہ حد سے دور ہوتے جا رہے ہیں

وہ حد سے دور ہوتے جا رہے ہیں

بڑے مغرور ہوتے جا رہے ہیں

بسے ہیں جب سے وہ میری نظر میں

سراپا نور ہوتے جا رہے ہیں

جو پھوٹے آبلے دل کی خلش سے

وہ اب ناسور ہوتے جا رہے ہیں

بہت مشکل ہے منزل تک رسائی

وہ کوسوں دور ہوتے جا رہے ہیں

کہاں پہلی سی راہ و رسم الفت

نئے دستور ہوتے جا رہے ہیں

ہمارے داغ دل راہ طلب میں

چراغ طور ہوتے جا رہے ہیں

خدا حافظ ہے اب بادہ کشوں کا

نشے میں چور ہوتے جا رہے ہیں

پلا دے ساقیا بادہ کشوں کو

نشے کافور ہوتے جا رہے ہیں

قریب دل وہ کیا اے نازؔ آئے

نظر سے دور ہوتے جا رہے ہیں

wo had se dur hote ja rahe hain

bare maghrur hote ja rahe hain

base hain jab se wo meri nazar mein

sarapa nur hote ja rahe hain

jo phute able dil ki khalish se

wo ab nasur hote ja rahe hain

bahut mushkil hai manzil tak rasai

wo koson dur hote ja rahe hain

kahan pahli si rah-o-rasm-e-ulfat

nae dastur hote ja rahe hain

hamare dagh-e-dil rah-e-talab mein

charagh-e-tur hote ja rahe hain

khuda hafiz hai ab bada kashon ka

nashe mein chur hote ja rahe hain

pila de saqiya bada kashon ko

nashe kafur hote ja rahe hain

qarib-e-dil wo kya ai naz ae

nazar se dur hote ja rahe hain