وہ سن کر حور کی تعریف پردے سے نکل آئے

وہ سن کر حور کی تعریف پردے سے نکل آئے

کہا پھر مسکرا کر حسن زیبا اس کو کہتے ہیں

اجل کا نام دشمن دوسرے معنی میں لیتا ہے

تمہارے چاہنے والے تمنا اس کو کہتے ہیں

مرے مدفن پہ کیوں روتے ہو عاشق مر نہیں سکتا

یہ مر جانا نہیں ہے صبر آنا اس کو کہتے ہیں

نمک بھر کر مرے زخموں میں تم کیا مسکراتے ہو

مرے زخموں کو دیکھو مسکرانا اس کو کہتے ہیں

زمانے سے عداوت کا سبب تھی دوستی جن کی

اب ان کو دشمنی ہے ہم سے دنیا اس کو کہتے ہیں

دکھاتے ہم نہ آئینہ تو یہ کیوں کر نظر آتا

بشر حوروں سے اچھا تم نے دیکھا اس کو کہتے ہیں

wo sun kar hur ki taarif parde se nikal ae

kaha phir muskura kar husn zeba us ko kahte hain

ajal ka nam dushman dusre maani mein leta hai

tumhare chahne wale tamanna us ko kahte hain

mire madfan pe kyun rote ho ashiq mar nahin sakta

ye mar jana nahin hai sabr ana us ko kahte hain

namak bhar kar mire zakhmon mein tum kya muskurate ho

mire zakhmon ko dekho muskurana us ko kahte hain

zamane se adawat ka sabab thi dosti jin ki

ab un ko dushmani hai ham se duniya us ko kahte hain

dikhate ham na aina to ye kyun kar nazar ata

bashar huron se achchha tum ne dekha us ko kahte hain