تازہ آزار کا ارمان کہاں جاتا ہے

تازہ آزار کا ارمان کہاں جاتا ہے

پھر ستا لے ترے قربان کہاں جاتا ہے

کس پہ دل آیا کہاں آیا بتا اے ناصح

تو مری طرح پریشان کہاں جاتا ہے

خانقاہوں پہ ہوا پیر مغاں کا قبضہ

آج مے خانے کا سامان کہاں جاتا ہے

دل سلامت نہیں آنے کا مبارکؔ بخدا

ارے نادان کہا مان کہاں جاتا ہے

taza azar ka arman kahan jata hai

phir sata le tire qurban kahan jata hai

kis pe dil aya kahan aya bata ai naseh

tu miri tarah pareshan kahan jata hai

khanqahon pe hua pir-e-mughan ka qabza

aj mai khane ka saman kahan jata hai

dil salamat nahin ane ka mubarak bakhuda

are nadan kaha man kahan jata hai