وہ دیکھنے ہمیں ٹک بیماری میں نہ آیا

وہ دیکھنے ہمیں ٹک بیماری میں نہ آیا

سو بار آنکھیں کھولیں بالیں سے سر اٹھایا

گلشن کے طائروں نے کیا بے مروتی کی

یک برگ گل قفس میں ہم تک نہ کوئی لایا

بے ہیچ اس کا غصہ یارو بلائے جاں ہے

ہرگز منا نہ ہم سے بہتیرا ہی منایا

قد بلند اگرچہ بے لطف بھی نہیں ہے

سرو چمن میں لیکن اندازہ وہ نہ پایا

نقشہ عجب ہے اس کا نقاش نے ازل کے

مطبوع ایسا چہرہ کوئی نہ پھر بنایا

شب کو نشے میں باہم تھی گفتگوئے درہم

اس مست نے جھنکایا یعنی بہت جھکایا

دل بستگی میں کھلنا اس کا نہ اس سے دیکھا

بخت نگوں کو ہم نے سو بار آزمایا

عاشق جہاں ہوا ہے بے ڈھنگیاں ہی کی ہیں

اس میرؔ بے خرد نے کب ڈھب سے دل لگایا

wo dekhne hamen tuk bimari mein na aya

sau bar ankhen kholen balin se sar uthaya

gulshan ke tairon ne kya be murawwati ki

yak barg-e-gul qafas mein ham tak na koi laya

be hech us ka ghussa yaro bulae jan hai

hargiz mana na ham se bahutera hi manaya

qad-e-buland agarche be lutf bhi nahin hai

sarw-e-chaman mein lekin andaza wo na paya

naqsha ajab hai us ka naqqash ne azal ke

matbu aisa chehra koi na phir banaya

shab ko nashe mein baham thi guftugu-e-dirham

is mast ne jhunkaya yaani bahut jhukaya

dil bastagi mein khulna us ka na us se dekha

bakht-e-nigun ko ham ne sau bar azmaya

ashiq jahan hua hai be dhangiyan hi ki hain

is mir-e-be khirad ne kab dhab se dil lagaya