وارفتگیٔ عشق نہ جائے تو کیا کریں
باسط بھوپالیوارفتگیٔ عشق نہ جائے تو کیا کریں
تیرا بھی اب خیال نہ آئے تو کیا کریں
خود شرم عشق دل کو مٹائے تو کیا کریں
ان تک نگاہ شوق نہ جائے تو کیا کریں
مے خواریاں گناہ سہی ساقیٔ ازل
جب ابر جھوم جھوم کے آئے تو کیا کریں
یہ دیر وہ حرم یہ کلیسا وہ مے کدہ
اپنی طرف ہر ایک بلائے تو کیا کریں
ممکن ہے ہر خیال کا دل سے نکالنا
تیرا خیال آ کے نہ جائے تو کیا کریں
مانا نگاہ شوق رہے احتیاط سے
ہر جلوہ خود نظر میں سمائے تو کیا کریں
باسطؔ ستم پہ شکر ستم چاہئے مگر
کوئی کرم سے ہم کو مٹائے تو کیا کریں
waraftagi-e-ishq na jae to kya karen
tera bhi ab khayal na ae to kya karen
khud sharm ishq dil ko mitae to kya karen
un tak nigah-e-shauq na jae to kya karen
mai khwariyan gunah sahi saqi-e-azal
jab abr jhum jhum ke ae to kya karen
ye der wo haram ye kalisa wo mai kada
apni taraf har ek bulae to kya karen
mumkin hai har khayal ka dil se nikalna
tera khayal a ke na jae to kya karen
mana nigah-e-shauq rahe ehtiyat se
har jalwa khud nazar mein samae to kya karen
basit sitam pe shukr-e-sitam chahiye magar
koi karam se ham ko mitae to kya karen