واعظ کے پاس جائیں گے ہم مے پیے ہوئے

واعظ کے پاس جائیں گے ہم مے پیے ہوئے

مدت ہوئی ہے توبہ سے توبہ کیے ہوئے

مشق خرام گور غریباں میں کیا ضرور

محشر بپا کریں گے یہ مردے جئے ہوئے

خاموش کیوں ہیں شہر خموشاں کی ساکنین

گویا دہن ہیں تار نفس سے سئے ہوئے

ناآزمودہ کاریٔ حسن ان کی ہے غضب

شرمائے پھرتے ہیں وہ مرا دل لئے ہوئے

یہ دیدنی ہے مے کدہ میں جوش بے خودی

آئے ہیں آج حضرت واعظ پئے ہوئے

waiz ke pas jaenge ham mai piye hue

muddat hui hai tauba se tauba kiye hue

mashq-e-khiram gor-e-ghariban mein kya zarur

mahshar bapa karenge ye murde jiye hue

khamosh kyun hain shahr-e-khamoshan ki saknain

goya dahan hain tar-e-nafas se se hue

naazmuda kari-e-husn un ki hai ghazab

sharmae phirte hain wo mira dil liye hue

ye didani hai mai kada mein josh-e-be khudi

ae hain aj hazrat-e-waiz piye hue