نیچی نظروں سے نہ دیکھو سر محشر دیکھو

نیچی نظروں سے نہ دیکھو سر محشر دیکھو

دادخواہوں کی طرف آنکھ اٹھا کر دیکھو

ہو کے شمشیر بکف سیر گھڑی بہر دیکھو

مرنے والوں کی وفا تیغ کے جوہر دیکھو

آہ کیسی کبھی شکوہ بھی تمہارا نہ کیا

ایسے ہم ضبط محبت کے ہیں خوگر دیکھو

وعدۂ حشر ہے پردہ بھی زمانے بھر سے

کوئی دامن نہ پکڑ لے سر محشر دیکھو

ان کو دشمن سے جو الفت ہے تو پروا نہ کرو

اے رساؔ تم بھی کسی اور پہ مر کر دیکھو

nichi nazron se na dekho sar-e-mahshar dekho

dadkhwahon ki taraf ankh utha kar dekho

ho ke shamshir bakaf sair ghari bahr dekho

marne walon ki wafa tegh ke jauhar dekho

ah kaisi kabhi shikwa bhi tumhara na kiya

aise ham zabt mohabbat ke hain khugar dekho

waada-e-hashr hai parda bhi zamane bhar se

koi daman na pakar le sar-e-mahshar dekho

un ko dushman se jo ulfat hai to parwa na karo

ai rasa tum bhi kisi aur pe mar kar dekho