نیند آتی ہی نہیں دھڑکے کی بس آواز سے
بھارتیندو ہریش چندرنیند آتی ہی نہیں دھڑکے کی بس آواز سے
تنگ آیا ہوں میں اس پرسوز دل کے ساز سے
دل پسا جاتا ہے ان کی چال کے انداز سے
ہاتھ میں دامن لیے آتے ہیں وہ کس ناز سے
سیکڑوں مردے جلائے ہو مسیحا ناز سے
موت شرمندہ ہوئی کیا کیا ترے اعجاز سے
باغباں کنج قفس میں مدتوں سے ہوں اسیر
اب کھلے پر بھی تو میں واقف نہیں پرواز سے
قبر میں راحت سے سوئے تھے نہ تھا محشر کا خوف
بعض آئے اے مسیحا ہم ترے اعجاز سے
وائے غفلت بھی نہیں ہوتی کہ دم بھر چین ہو
چونک پڑتا ہوں شکست ہوش کی آواز سے
ناز معشوقانہ سے خالی نہیں ہے کوئی بات
میرے لاشے کو اٹھائے ہیں وہ کس انداز سے
قبر میں سوئے ہیں محشر کا نہیں کھٹکا رساؔ
چونکنے والے ہیں کب ہم صور کی آواز سے
nind ati hi nahin dharke ki bas awaz se
tang aya hun main is pursoz dil ke saz se
dil pisa jata hai un ki chal ke andaz se
hath mein daman liye ate hain wo kis naz se
saikron murde jalae ho masiha naz se
maut sharminda hui kya kya tire ejaz se
baghban kunj-e-qafas mein muddaton se hun asir
ab khule par bhi to main waqif nahin parwaz se
qabr mein rahat se soe the na tha mahshar ka khauf
baaz ae ai masiha ham tire ejaz se
wae ghaflat bhi nahin hoti ke dam bhar chain ho
chaunk parta hun shikast-e-hosh ki awaz se
naz maashuqana se khali nahin hai koi bat
mere lashe ko uthae hain wo kis andaz se
qabr mein soe hain mahshar ka nahin khatka rasa
chaunkne wale hain kab ham sur ki awaz se