نیم چا جلد میاں ہی نہ میاں کیجئے گا

نیم چا جلد میاں ہی نہ میاں کیجئے گا

نیم جانوں کا ابھی کام رواں کیجئے گا

طاقت گرمیٔ خورشید قیامت ہے کسے

تاب کی داغ جگر سے نہ فغاں کیجئے گا

دل میں تم ہو نہ جلاؤ مرے دل کو دیکھو

میرا نقصان نہیں اپنا زیاں کیجئے گا

کہہ دو بقال پسر سے کہ مرا دل لے کر

قصد اخذ دل اغیار نہ ہاں کیجئے گا

دل سے دل پاس ہیں تو بھی ہے دلوں کی خواہش

کیا دلوں کی کہیں دلی میں دکاں کیجئے گا

اور بھی سوز جگر بزم میں ہوگا روشن

شمع ساں قطع اگر میری زباں کیجئے گا

یار جب ساتھ سفر میں ہو کہاں کی روزی

روز روزوں ہی میں عید رمضاں کیجئے گا

کس سے یا رب کہوں احوال یہ کہتا ہے وہ بت

اپنی یاں رام کہانی نہ بیاں کیجئے گا

وہ دھواں دھار سی زلفیں ہیں نظر میں ہر شب

ورد اب سورۂ واللیل و دوخاں کیجئے گا

شہر دل کی تمہیں آبادی کا کچھ بھی ہے خیال

یا جہاں رہیے گا ویراں ہی وہاں کیجئے گا

میری جانب سے کہو محتسب شہر سے یہ

سعیٔ ارزانیٔ مے از دل و جاں کیجئے گا

پانی پی پی کے تمہیں دیویں گے دشنام یہ رند

تم سبک ہو گے اگر بادہ گراں کیجئے گا

جلد احساںؔ سے کہو وہ بت خودکام آیا

اب تو للہ کہیں بند زباں کیجئے گا

nim cha jald miyan hi na miyan kijiye ga

nim janon ka abhi kam rawan kijiye ga

taqat-e-garmi-e-khurshid-e-qayamat hai kise

tab ki dagh-e-jigar se na fughan kijiye ga

dil mein tum ho na jalao mire dil ko dekho

mera nuqsan nahin apna ziyan kijiye ga

kah do baqal pisar se ke mira dil le kar

qasd akhz dil aghyar na han kijiye ga

dil se dil pas hain tu bhi hai dilon ki khwahish

kya dilon ki kahin dilli mein dukan kijiye ga

aur bhi soz-e-jigar bazm mein hoga raushan

shama san qata agar meri zaban kijiye ga

yar jab sath safar mein ho kahan ki rozi

roz rozon hi mein eid ramzan kijiye ga

kis se ya rab kahun ahwal ye kahta hai wo but

apni yan ram kahani na bayan kijiye ga

wo dhuan dhar si zulfen hain nazar mein har shab

wird ab sura-e-wallail-o-dokhan kijiye ga

shahr-e-dil ki tumhen abadi ka kuchh bhi hai khayal

ya jahan rahiyega wiran hi wahan kijiye ga

meri janib se kaho mohtasib-e-shahr se ye

sai-e-arzani-e-mai az dil-o-jan kijiye ga

pani pi pi ke tumhen dewenge dushnam ye rind

tum subuk hoge agar bada giran kijiye ga

jald ehsan se kaho wo but-e-khudkam aya

ab to lillah kahin band-e-zaban kijiye ga