واہ فسون آب و گل

واہ فسون آب و گل

دہر ہے اک رنگیں محفل

رزم کناں رہ طوفاں سے

مل ہی جائے گا ساحل

کس کی محفل کو دیکھیں

ہم تم ہیں خوراک محفل

جوش عمل کی خامی کا

نام جہاں میں ہے مشکل

سرخ نہ ہو کیوں اشک غم

خون جگر بھی ہے شامل

یوں نہ فسردہ خاطر رہ

غنچہ و گل کی صورت کھل

دیکھ طلسم فکر نہالؔ

سحر بیاں شاعر سے مل

wah fusun-e-ab-o-gul

dahr hai ik rangin mahfil

razm kunan rah tufan se

mil hi jaega sahil

kis ki mahfil ko dekhen

ham tum hain khurak-e-mahfil

josh-e-amal ki khami ka

nam jahan mein hai mushkil

surkh na ho kyun ashk-e-gham

khun-e-jigar bhi hai shamil

yun na fasurda khatir rah

ghuncha-o-gul ki surat khul

dekh tilism-e-fikr nihal

sehr bayan shayar se mil