وحشت دل کا عجب رنگ نظر آتا ہے

وحشت دل کا عجب رنگ نظر آتا ہے

عرصۂ حشر مجھے تنگ نظر آتا ہے

دونوں جانب ہے برابر تری تصویر کا رخ

آئینہ میری طرح دنگ نظر آتا ہے

کچھ تو صیاد نے کچھ باد صبا نے لوٹا

آشیانے کا عجب رنگ نظر آتا ہے

صلح جوئی کی تمنا میں شب و روز عزیزؔ

یک جہاں مضطرب جنگ نظر آتا ہے

wahshat-e-dil ka ajab rang nazar ata hai

arsa-e-hashr mujhe tang nazar ata hai

donon janib hai barabar tiri taswir ka rukh

aina meri tarah dang nazar ata hai

kuchh to sayyad ne kuchh bad-e-saba ne lauta

ashiyane ka ajab rang nazar ata hai

sulh joi ki tamanna mein shab-o-roz aziz

yak jahan muztarib jang nazar ata hai