بے کیف دل ہے اور جیے جا رہا ہوں میں

بے کیف دل ہے اور جیے جا رہا ہوں میں

خالی ہے شیشہ اور پیے جا رہا ہوں میں

پیہم جو آہ آہ کیے جا رہا ہوں میں

دولت ہے غم زکوٰۃ دئیے جا رہا ہوں میں

مجبوری کمال محبت تو دیکھنا

جینا نہیں قبول جیے جا رہا ہوں میں

وہ دل کہاں ہے اب کہ جسے پیار کیجیے

مجبوریاں ہیں ساتھ دئیے جا رہا ہوں میں

رخصت ہوئی شباب کے ہم راہ زندگی

کہنے کی بات ہے کہ جیے جا رہا ہوں میں

پہلے شراب زیست تھی اب زیست ہے شراب

کوئی پلا رہا ہے پیے جا رہا ہوں میں

be kaif dil hai aur jiye ja raha hun main

khali hai shisha aur piye ja raha hun main

paiham jo ah ah kiye ja raha hun main

daulat hai gham zakwat diye ja raha hun main

majburi-e-kamal-e-mohabbat to dekhna

jina nahin qubul jiye ja raha hun main

wo dil kahan hai ab ke jise pyar kijiye

majburiyan hain sath diye ja raha hun main

rukhsat hui shabab ke ham rah zindagi

kahne ki bat hai ke jiye ja raha hun main

pahle sharab-e-zist thi ab zist hai sharab

koi pila raha hai piye ja raha hun main