وحشت تھی ہمیں بھی وہی گھر بار سے اب تک

وحشت تھی ہمیں بھی وہی گھر بار سے اب تک

سر مارے ہیں اپنے در و دیوار سے اب تک

مرتے ہی سنا ان کو جنہیں دل لگی کچھ تھی

اچھا ہوا کوئی اس آزار سے اب تک

جب سے لگی ہیں آنکھیں کھلی راہ تکے ہیں

سوئے نہیں ساتھ اس کے کبھو پیار سے اب تک

آیا تھا کبھو یار سو معمول ہم اس کے

بستر پہ گرے رہتے ہیں بیمار سے اب تک

بد عہدیوں میں وقت وفات آن بھی پہنچا

وعدہ نہ ہوا ایک وفا یار سے اب تک

ہے قہر و غضب دیکھ طرف کشتے کے ظالم

کرتا ہے اشارت بھی تو تلوار سے اب تک

کچھ رنج دلی میرؔ جوانی میں کھنچا تھا

زردی نہیں جاتی مرے رخسار سے اب تک

wahshat thi hamen bhi wahi ghar bar se ab tak

sar mare hain apne dar-o-diwar se ab tak

marte hi suna un ko jinhen dil lagi kuchh thi

achchha hua koi is azar se ab tak

jab se lagi hain ankhen khuli rah take hain

soe nahin sath us ke kabhu pyar se ab tak

aya tha kabhu yar so maamul ham us ke

bistar pe gire rahte hain bimar se ab tak

bad ahdiyon mein waqt wafat an bhi pahuncha

waada na hua ek wafa yar se ab tak

hai qahr-o-ghazab dekh taraf kushte ke zalim

karta hai isharat bhi to talwar se ab tak

kuchh ranj dili mir-e-jawani mein khincha tha

zardi nahin jati mire rukhsar se ab tak