وحشت میں بھی رخ جانب صحرا نہ کریں گے

وحشت میں بھی رخ جانب صحرا نہ کریں گے

جب تک کہ تمہیں شہر میں رسوا نہ کریں گے

گھبرا گئے بیتابی دل دیکھ کے اے جان

ٹھہرو تو ابھی ہجر میں کیا کیا نہ کریں گے

مر جاؤں تو مر جاؤں برا مانیں تو مانیں

پھر کیسے مسیحا ہیں جو اچھا نہ کریں گے

وہ حسن میں کامل ہیں تو ہم صبر میں یکتا

تا عمر کبھی ذکر بھی ان کا نہ کریں گے

چھپ چھپ کے کہیں گے جو چھپانے کے سخن ہیں

ہم تم سے کسی بات کا پردا نہ کریں گے

بدنامی سے ڈرتے ہو عبث عشق میں اے برقؔ

کب تک بشر اس بات کا چرچا نہ کریں گے

wahshat mein bhi rukh janib-e-sahra na karenge

jab tak ke tumhen shahr mein ruswa na karenge

ghabra gae betabi-e-dil dekh ke ai jan

thahro to abhi hijr mein kya kya na karenge

mar jaun to mar jaun bura manen to manen

phir kaise masiha hain jo achchha na karenge

wo husn mein kamil hain to ham sabr mein yakta

ta umr kabhi zikr bhi un ka na karenge

chhup chhup ke kahenge jo chhupane ke sukhan hain

ham tum se kisi bat ka parda na karenge

badnami se darte ho abas ishq mein ai barq

kab tak bashar is bat ka charcha na karenge