واہمہ کی یہ مشق پیہم کیا

واہمہ کی یہ مشق پیہم کیا

یاس و امید شادی و غم کیا

تم کو اس راز ماسوا کی قسم

تم پہ چھایا ہوا ہے عالم کیا

ان کے آگے غم اک فسانہ ہے

ان سے کہیے فسانۂ غم کیا

عیش رفتہ کی یاد سے حاصل

قصۂ خلد و ذکر آدم کیا

تا کجا آہ زیر لب آخر

انتہائے سکوت برہم کیا

غم دنیا بقدر ظرف نہیں

حسرت بیش و شکوۂ کم کیا

سوز غم کی حدیں نہیں ملتیں

بجھ گئی آتش جہنم کیا

گرم و سرد زمانہ جو کچھ ہو

ورنہ فردوس کیا جہنم کیا

موت جس کی حیات ہو فانیؔ

اس شہید ستم کا ماتم کیا

wahima ki ye mashq-e-paiham kya

yas-o-ummid shadi-o-gham kya

tum ko is raz masiwa ki qasam

tum pe chhaya hua hai alam kya

un ke age gham ik fasana hai

un se kahiye fasana-e-gham kya

aish-e-rafta ki yad se hasil

qissa-e-khuld-o-zikr-e-adam kya

ta kuja ah zer-e-lab akhir

intiha-e-sukut-e-barham kya

gham-e-duniya baqadr-e-zarf nahin

hasrat-e-besh-o-shikwa-e-kam kya

soz-e-gham ki haden nahin miltin

bujh gai atish-e-jahannam kya

garm-o-sard-e-zamana jo kuchh ho

warna firdaus kya jahannam kya

maut jis ki hayat ho fani

is shahid-e-sitam ka matam kya