وسعتیں محدود ہیں ادراک انساں کے لئے

وسعتیں محدود ہیں ادراک انساں کے لئے

ورنہ ہر ذرہ ہے دنیا چشم عرفاں کے لئے

اے خزاں تو شوق کے سارا چمن برباد کر

چند پھانسیں چھوڑ جا میری رگ جاں کے لئے

دور پہونچیں شہرتیں رفتار سحر آثار کی

کھل گئے رستے ترے حسن خراماں کے لئے

پھول گلشن کے نہیں تو خاک صحرا ہی سہی

کچھ نہ کچھ تو چاہئے تسکین داماں کے لئے

اس لئے دیتا دل تم کو کہ لو اور بھول جاؤ

میں نے اک تصویر دی ہے طاق نسیاں کے لئے

دھجیاں اڑنے کو اے سیمابؔ وسعت چاہئے

ہے کوئی میدان آشوب گریباں کے لئے

wusaten mahdud hain idrak-e-insan ke liye

warna har zarra hai duniya chashm-e-irfan ke liye

ai khizan to shauq ke sara chaman barbad kar

chand phansen chhor ja meri rag-e-jan ke liye

dur pahonachen shohraten raftar-e-sahar asar ki

khul gae raste tire husn-e-khiraman ke liye

phul gulshan ke nahin to khak-e-sahra hi sahi

kuchh na kuchh to chahiye taskin-e-daman ke liye

is liye deta dil tum ko ke lo aur bhul jao

main ne ik taswir di hai taq-e-nasiyan ke liye

dhajjiyan urne ko ai simab wusat chahiye

hai koi maidan-e-ashob-e-gareban ke liye