واں اگر جائیں تو لے کر جائیں کیا

واں اگر جائیں تو لے کر جائیں کیا

منہ اسے ہم جا کے یہ دکھلائیں کیا

دل میں ہے باقی وہی حرص گناہ

پھر کیے سے اپنے ہم پچھتائیں کیا

آؤ لیں اس کو ہمیں جا کر منا

اس کی بے پروائیوں پر جائیں کیا

دل کو مسجد سے نہ مندر سے ہے انس

ایسے وحشی کو کہیں بہلائیں کیا

جانتا دنیا کو ہے اک کھیل تو

کھیل قدرت کے تجھے دکھلائیں کیا

عمر کی منزل تو جوں توں کٹ گئی

مرحلے اب دیکھیے پیش آئیں کیا

دل کو سب باتوں کی ہے ناصح خبر

سمجھے سمجھائے کو بس سمجھائیں کیا

مان لیجے شیخ جو دعویٰ کرے

اک بزرگ دیں کو ہم جھٹلائیں کیا

ہو چکے حالیؔ غزل خوانی کے دن

راگنی بے وقت کی اب گائیں کیا

wan agar jaen to le kar jaen kya

munh use ham ja ke ye dikhlaen kya

dil mein hai baqi wahi hirs-e-gunah

phir kiye se apne ham pachhtaen kya

ao len us ko hamen ja kar mana

us ki be purwaiyon par jaen kya

dil ko masjid se na mandir se hai uns

aise wahshi ko kahin bahlaen kya

janta duniya ko hai ik khel to

khel qudrat ke tujhe dikhlaen kya

umr ki manzil to jun tun kat gai

marhale ab dekhiye pesh aen kya

dil ko sab baton ki hai naseh khabar

samjhe samjhae ko bas samjhaen kya

man lije shaikh jo daawa kare

ik buzurg den ko ham jhutlaen kya

ho chuke hali ghazal khwani ke din

ragni be waqt ki ab gaen kya