وجد ہو بلبل تصویر کو جس کی بو سے

وجد ہو بلبل تصویر کو جس کی بو سے

اوس سے گل رنگ کا دعویٰ کرے پھر کس رو سے

شمع کے رونے پہ بس صاف ہنسی آتی ہے

آتش دل کہیں کم ہوتی ہے چار آنسو سے

ایک دن وہ تھا کہ تکیہ تھا کسی کا بازو

اب سر اٹھتا ہی نہیں اپنے سر زانو سے

نزع میں ہوں مری مشکل کرو آساں یاروں

کھولو تعویذ شفا جلد مرے بازو سے

شوخیٔ چشم کا تو کس کی ہے دیوانہ انیسؔ

آنکھیں ملتا ہے جو یوں نقش کف آہو سے

wajd ho bulbul-e-taswir ko jis ki bu se

os se gul rang ka daawa kare phir kis ro se

shama ke rone pe bas saf hansi ati hai

atish-e-dil kahin kam hoti hai char ansu se

ek din wo tha ke takiya tha kisi ka bazu

ab sar uthta hi nahin apne sar-e-zanu se

nazaa mein hun miri mushkil karo asan yaron

kholo taawiz-e-shifa jald mire bazu se

shokhi-e-chashm ka to kis ki hai diwana anis

ankhen milta hai jo yun naqsh-e-kaf-e-ahu se