نہیں سوجھتا کوئی چارا مجھے
نظام رامپورینہیں سوجھتا کوئی چارا مجھے
تمہاری جدائی نے مارا مجھے
ادھر آنکھ لڑتی ہے اغیار سے
ادھر کرتے جانا اشارا مجھے
تو اک بار سن لے مرا حال کچھ
نہ کچھ کہنے دینا دوبارا مجھے
یوں ہی روز آنے کو کہتے ہو تم
نہیں اعتبار اب تمہارا مجھے
کسی سے مجھے کچھ شکایت نہیں
نظامؔ اپنے ہی دل نے مارا مجھے
nahin sujhta koi chara mujhe
tumhari judai ne mara mujhe
idhar ankh larti hai aghyar se
idhar karte jana ishara mujhe
to ik bar sun le mira hal kuchh
na kuchh kahne dena dobara mujhe
yun hi roz ane ko kahte ho tum
nahin etibar ab tumhara mujhe
kisi se mujhe kuchh shikayat nahin
nizam apne hi dil ne mara mujhe