نہیں دنیا میں سوا خار و خس کوچۂ دوست

نہیں دنیا میں سوا خار و خس کوچۂ دوست

سر شوریدہ کی خواہش بکلاہے گاہے

خون عشاق کا دعویٰ مرے قاتل تجھ پر

ہوتے اثبات نہ دیکھا بہ گواہے گاہے

ہے بہار آنے کی کچھ دھوم کہ آگے تو نہ تھا

دل دیوانہ بایں حال تباہے گاہے

رہتے کس شہرے میں ہو تم سے تو ملنا پیارے

اتفاقیہ ہے بعد از دو سہہ ماہے گاہے

ہم تمازت میں ترے حکم سے لیں ہیں ساقی

سایۂ تاک میں یک لحظہ پناہے گاہے

ہم گداؤں کو ہے تسلیم و رضا سے سروکار

ملتجی ہیں نہ ز منعم نے ز شاہے گاہے

بے زباں کلۂ سبزی کی جگہ اے نو خط

نہ اگا خاک سے میری پر کاہے گاہے

اے محبؔ جرم محبت کے سوا عالم میں

قتل عاشق ہی سنا ہے بگناہے گاہے

nahin duniya mein siwa khar-o-khas-e-kucha-e-dost

sar-e-shorida ki khwahish bakalahhe gahe

khun-e-ushshaq ka daawa mire qatil tujh par

hote isbat na dekha ba goahhe gahe

hai bahar ane ki kuchh dhum ke age to na tha

dil-e-diwana bain hal tabahai gahe

rahte kis shohre mein ho tum se to milna pyare

ittifaqiyya hai baad az do sah mahe gahe

ham tamazat mein tire hukm se len hain saqi

saya-e-tak mein yak lahza pannahai gahe

ham gadaon ko hai taslim-o-raza se sarokar

multaji hain na ze munam ne ze shahai gahe

be zaban kulah-e-sabzi ki jagah ai nau khat

na uga khak se meri par kahe gahe

ai muhib jurm-e-mohabbat ke siwa alam mein

qatl-e-ashiq hi suna hai bagnahe gahe