نہیں ملتا دلا ہم کو نشاں تک

نہیں ملتا دلا ہم کو نشاں تک

مکاں ڈھونڈ آئے اس کا لا مکاں تک

بنا ہر موئے تن خار مغیلاں

ستایا جوش وحشت نے یہاں تک

ہماری جان کے پیچھے پڑا ہے

دل ناداں کو سمجھائیں کہاں تک

رواں شب کو ہوا کیا ناقۂ روح

نظر آئی نہ گرد کارواں تک

زمیں پہ زلزلہ آیا تو پہنچا

مرے نالوں کا غوغا آسماں تک

ملے ہے دل کو ذوق بوسۂ لب

مزا ہے ورنہ ہر شے کا زباں تک

جو رکھتے تھے دماغ اپنا فلک پر

زمیں پر اب نہیں ان کا نشاں تک

جلایا شمع سا اس شعلہ رو نے

گئے گھل سوز غم سے استخواں تک

جہاں کی سیر کی سیاحؔ ہم نے

نہ پہنچے پر سخن کے قدرداں تک

nahin milta dila ham ko nishan tak

makan dhund ae us ka la makan tak

bana har mu-e-tan khar-e-mughilan

sataya josh-e-wahshat ne yahan tak

hamari jan ke pichhe para hai

dil-e-nadan ko samjhaen kahan tak

rawan shab ko hua kya naqa-e-ruh

nazar ai na gard-e-karwan tak

zamin pe zalzala aya to pahuncha

mire nalon ka ghaugha asman tak

mile hai dil ko zauq-e-bosa-e-lab

maza hai warna har shai ka zaban tak

jo rakhte the dimagh apna falak par

zamin par ab nahin un ka nishan tak

jalaya shama sa is shola ro ne

gae ghul soz-e-gham se ustukhwan tak

jahan ki sair ki sayyah ham ne

na pahunche par sukhan ke qadardan tak