نہیں معتقد جو ترے دید کا

نہیں معتقد جو ترے دید کا

میں دیوانہ ہوں اس کی فہمید کا

تعلق کسی سے نہیں غیر حق

یہ عالم ہوا اپنی تجرید کا

خیال دو عالم ہوا دل سے دور

یہاں وقر کیا جام جمشید کا

ہم آغوش وہ مجھ سے ہو یا نہ ہو

دوانا ہوں میں دید وا دید کا

یہاں نا مرادی ہے عین مراد

نہ ہو بارور نخل امید کا

یہ کوچے میں لیلہ کے مجنوں نہ ہو

ارم میں ہے گویا شجر بید کا

ترا شعر ؔجوشش تجھے ہے پسند

تو محتاج ہے کس کی تائید کا

nahin motaqid jo tire did ka

main diwana hun us ki fahmyad ka

taalluq kisi se nahin ghair haq

ye alam hua apni tajrid ka

khayal do alam hua dil se dur

yahan waqr kya jam-e-jamshed ka

ham aghosh wo mujh se ho ya na ho

dawana hun main did wa did ka

yahan na muradi hai ain-e-murad

na ho barwar nakhl-e-ummid ka

ye kuche mein laila ke majnun na ho

iram mein hai goya shajar baid ka

tira sher joshish tujhe hai pasand

tu mohtaj hai kis ki taid ka