نہیں معلوم اب کی سال مے خانے پہ کیا گزرا

نہیں معلوم اب کی سال مے خانے پہ کیا گزرا

ہمارے توبہ کر لینے سے پیمانے پہ کیا گزرا

برہمن سر کو اپنے پیٹتا تھا دیر کے آگے

خدا جانے تری صورت سے بت خانے پہ کیا گزرا

مجھے زنجیر کر رکھا ہے ان شہری غزالوں نے

نہیں معلوم میرے بعد ویرانے پہ کیا گزرا

ہوئے ہیں چور میرے استخواں پتھر سے ٹکرا کے

نہ پوچھا یہ کبھی تو نے کہ دیوانہ پہ کیا گزرا

یقیںؔ کب یار میرے سوز دل کی داد کو پہنچے

کہاں ہے شمع کو پروا کہ پروانہ پہ کیا گزرا

nahin maalum ab ki sal mai khane pe kya guzra

hamare tauba kar lene se paimane pe kya guzra

barahman sar ko apne pitta tha der ke age

khuda jane tiri surat se but khane pe kya guzra

mujhe zanjir kar rakha hai un shahri ghazalon ne

nahin maalum mere baad wirane pe kya guzra

hue hain chur mere ustukhwan patthar se takra ke

na puchha ye kabhi tu ne ke diwana pe kya guzra

yaqin kab yar mere soz-e-dil ki dad ko pahunche

kahan hai shama ko parwa ke parwana pe kya guzra