نہیں منظور تپ ہجر کا رسوا ہونا

نہیں منظور تپ ہجر کا رسوا ہونا

تیرے بیمار کا اچھا نہیں اچھا ہونا

ناصحا وسعت کاشانہ جنوں خیز نہیں

ورنہ کیا فرض ہے آوارۂ صحرا ہونا

بس اب اے ضبط زیادہ مجھے محجوب نہ کر

ہے مری آنکھ کی تقدیر میں دریا ہونا

کس سے کھلتے ہیں تری زلف گرہ گیر کے بل

کوئی آسان ہے یہ عقدۂ دل وا ہونا

نگۂ ناز کو آساں دم خنجر بننا

لب جاں بخش کو دشوار مسیحا ہونا

ہائے باتوں میں تری لغزش مستانۂ ناز

ہائے آنکھوں میں تری نشۂ صہبا ہونا

ہمہ تن داغ غم عشق بتاں ہوں فانیؔ

دل سے بھاتا ہے مجھے نقش سویدا ہونا

nahin manzur tap-e-hijr ka ruswa hona

tere bimar ka achchha nahin achchha hona

nasha wusat-e-kashana junun khez nahin

warna kya farz hai awara-e-sahra hona

bas ab ai zabt ziyada mujhe mahjub na kar

hai miri ankh ki taqdir mein dariya hona

kis se khulte hain tiri zulf-e-girah gir ke bal

koi asan hai ye uqda-e-dil wa hona

nigah-e-naz ko asan dam-e-khanjar banna

lab-e-jan bakhsh ko dushwar masiha hona

hae baton mein tiri laghzish-e-mastana-e-naz

hae ankhon mein tiri nasha-e-sahba hona

hama tan dagh-e-gham-e-ishq-e-butan hun fani

dil se bhata hai mujhe naqsh-e-suwaida hona