نیا سودا نیا درد نہانی لے کے آیا ہوں

نیا سودا نیا درد نہانی لے کے آیا ہوں

نئی اس بزم سے میں زندگانی لے کے آیا ہوں

کچھ اپنی ناتوانی کچھ ترا پاس نزاکت تھا

نگاہوں میں محبت کی کہانی لے کے آیا ہوں

ترے جلوے کے نظارے کو خالی ہاتھ کیا آتا

لٹانے کو بہار نوجوانی لے کے آیا ہوں

لبوں پر مہر خاموشی ہے آنکھیں ڈبڈبائی ہیں

اثر انداز اپنی بے زبانی لے کے آیا ہوں

خدا معلوم قاصد کیا سنائے دل دھڑکتا ہے

یہ کہتا ہے کہ پیغام زبانی لے کے آیا ہوں

مژہ پر گرم گرم آنسو لبوں پر سرد سرد آہیں

فسانہ درد کا غم کی کہانی لے کے آیا ہوں

سرشک خوں دل پر داغ افسردہ تمنائیں

ازل سے یہ متاع زندگانی لے کے آیا ہوں

مقام خضر تھا یا میکدہ تھا کیا کہوں کیا تھا

جہاں سے میں حیات جاودانی لے کے آیا ہوں

جلیلؔ ابر سیہ کیا جھومتا ہے سبزہ زاروں پر

یہ کہتا ہے کہ آب زندگانی لے کے آیا ہوں

naya sauda naya dard-e-nihani le ke aya hun

nai is bazm se main zindagani le ke aya hun

kuchh apni natawani kuchh tira pas-e-nazakat tha

nigahon mein mohabbat ki kahani le ke aya hun

tire jalwe ke nazzare ko khali hath kya ata

lutane ko bahar-e-naujawani le ke aya hun

labon par mehr-e-khamoshi hai ankhen dabdbai hain

asar andaz apni be zabani le ke aya hun

khuda maalum qasid kya sunae dil dharakta hai

ye kahta hai ke paigham-e-zabani le ke aya hun

mizha par garm garm ansu labon par sard sard ahen

fasana dard ka gham ki kahani le ke aya hun

sarishk-e-khun dil par dagh afsurda tamannaen

azal se ye mata-e-zindagani le ke aya hun

maqam-e-khizr tha ya maikada tha kya kahun kya tha

jahan se main hayat-e-jawidani le ke aya hun

jalil abr-e-siyah kya jhumta hai sabza zaron par

ye kahta hai ke ab-e-zindagani le ke aya hun