نہ یہ شیشہ نہ یہ ساغر نہ یہ پیمانہ بنے

نہ یہ شیشہ نہ یہ ساغر نہ یہ پیمانہ بنے

جان مے خانہ تری نرگس مستانہ بنے

پرتو رخ کے کرشمے تھے سر راہ گزر

ذرے جو خاک سے اٹھے وہ صنم خانہ بنے

کار فرما ہے فقط حسن کا نیرنگ کمال

چاہے وہ شمع بنے چاہے وہ پروانہ بنے

اس کو مطلوب ہیں کچھ قلب و جگر کے ٹکڑے

جیب و دامن نہ کوئی پھاڑ کے دیوانہ بنے

رند جو ظرف اٹھا لیں وہی ساغر بن جائے

جس جگہ بیٹھ کے پی لیں وہی مے خانہ بنے

na ye shisha na ye saghar na ye paimana bane

jan-e-mai khana tiri nargis-e-mastana bane

partau rukh ke karishme the sar-e-rah guzar

zarre jo khak se uthe wo sanam khana bane

kar farma hai faqat husn ka nairang kamal

chahe wo shama bane chahe wo parwana bane

us ko matlub hain kuchh qalb-o-jigar ke tukre

jeb-o-daman na koi phar ke diwana bane

rind jo zarf utha len wahi saghar ban jae

jis jagah baith ke pi len wahi mai khana bane