نہ کیوں کر نذر دل ہوتا نہ کیوں کر دم مرا جاتا

نہ کیوں کر نذر دل ہوتا نہ کیوں کر دم مرا جاتا

اکیلا بھیجتا اس کو وہ خالی ہاتھ کیا جاتا

جنازہ پر بھی وہ آتے تو منہ کو ڈھانک کر آتے

ہماری جان لے کر بھی نہ انداز حیا جاتا

تمہاری یاد میرا دل یہ دونوں چلتے پرزے ہیں

جو ان میں سے کوئی مٹتا مجھے پہلے مٹا جاتا

تیری چتون کے بل کو ہم نے قاتل تاک رکھا تھا

کدھر مقتل میں بچ کر ہم سے یہ تیر قضا جاتا

مزا جب تھا قیامت تک نہ آتا ہوش بیخودؔ کو

پلائی تھی جو مے ساقی نے اتنی تو پلا جاتا

na kyun kar nazr-e-dil hota na kyun kar dam mira jata

akela bhejta us ko wo khali hath kya jata

janaza par bhi wo ate to munh ko dhank kar ate

hamari jan le kar bhi na andaz-e-haya jata

tumhari yad mera dil ye donon chalte purze hain

jo un mein se koi mitta mujhe pahle mita jata

teri chitwan ke bal ko ham ne qatil tak rakha tha

kidhar maqtal mein bach kar ham se ye tir-e-qaza jata

maza jab tha qayamat tak na ata hosh bekhud ko

pilai thi jo mai saqi ne itni to pila jata