نہ چھوڑا دل خستہ جاں چلتے چلتے

نہ چھوڑا دل خستہ جاں چلتے چلتے

غضب کر چلے مہرباں چلتے چلتے

کہیں گے کچھ اے باغباں چلتے چلتے

اگر دے گی یارا زباں چلتے چلتے

گرے ہم پس کارواں چلتے چلتے

تھکے پاؤں اپنے کہاں چلتے چلتے

تری چال باد خزاں نے اڑائی

اجاڑا مرا آشیاں چلتے چلتے

کرو آنکھیں جھپکا کے ترچھی نگاہیں

سنانیں چلیں برچھیاں چلتے چلتے

بھریں سرد آہیں جو گرم آہ بھر کے

نسیم آئی باد خزاں چلتے چلتے

نہ گھبرا ذرا دامن روز محشر

کروں گا تری دھجیاں چلتے چلتے

عدم کو چلے قید زلف صنم میں

رہیں پاؤں میں بیڑیاں چلتے چلتے

دم نزع سر پر گرے کوہ الفت

اٹھائیں بڑی سختیاں چلتے چلتے

مری لاش کو پاؤں سے خوب روندا

تھمے صورت آسماں چلتے چلتے

بس اب تو عدم میں ملاقات ہوگی

یہ کہتے گئے رفتگاں چلتے چلتے

نہ قاتل نے تیغ نگہ تک لگائی

نہ کرتا گیا امتحاں چلتے چلتے

جہاں سے گئے حشر تک خوب سوئے

لیا ساتھ خواب گراں چلتے چلتے

رہے عمر بھر تیری وحدت کے قائل

نہ لیں ہم نے دو ہچکیاں چلتے چلتے

رشیدؔ حزیں لاکھ روکا کیے ہم

وہ لیتے گئے نقد جاں چلتے چلتے

na chhora dil-e-khasta jan chalte chalte

ghazab kar chale mehrban chalte chalte

kahenge kuchh ai baghban chalte chalte

agar degi yara zaban chalte chalte

gire ham pas karwan chalte chalte

thake paon apne kahan chalte chalte

tiri chal bad-e-khizan ne urai

ujara mira ashiyan chalte chalte

karo ankhen jhapka ke tirchhi nigahen

sinanen chalen barchhiyan chalte chalte

bharen sard ahen jo garm ah bhar ke

nasim ai bad-e-khizan chalte chalte

na ghabra zara daman-e-roz-e-mahshar

karunga tiri dhajjiyan chalte chalte

adam ko chale qaid-e-zulf-e-sanam mein

rahen paon mein beriyan chalte chalte

dam-e-nazaa sar par gire koh-e-ulfat

uthaen bari sakhtiyan chalte chalte

miri lash ko paon se khub ronida

thame surat-e-asman chalte chalte

bas ab to adam mein mulaqat hogi

ye kahte gae raftagan chalte chalte

na qatil ne tegh-e-nigah tak lagai

na karta gaya imtihan chalte chalte

jahan se gae hashr tak khub soe

liya sath khwab-e-giran chalte chalte

rahe umr bhar teri wahdat ke qail

na len ham ne do hichkiyan chalte chalte

rashid-e-hazin lakh roka kiye ham

wo lete gae naqd-e-jan chalte chalte