نہ کہو اعتبار ہے کس کا

نہ کہو اعتبار ہے کس کا

بے وفائی شعار ہے کس کا

اے اجل شام ہجر آ پہنچی

اب تجھے انتظار ہے کس کا

عشق سے میں خبر نہیں یا رب

داغ دل یادگار ہے کس کا

دل جو ظالم نہیں تری جاگیر

تو یہ اجڑا دیار ہے کس کا

محتسب پوچھ مے پرستوں سے

نام آمرزگار ہے کس کا

بزم میں وہ نہیں اٹھاتے آنکھ

دیکھنا ناگوار ہے کس کا

پہنے پھرتا ہے ماتمی پوشاک

آسماں سوگوار ہے کس کا

چین سے سو رہو گلے لگ کر

شوق بے اختیار ہے کس کا

آپ سا سب کو وہ سمجھتے ہیں

معتبر انکسار ہے کس کا

یار کے بس میں ہے امید وصال

یار پر اختیار ہے کس کا

آپ بیمارؔ ہم ہوئے رسوا

سرنگوں رازدار ہے کس کا

na kaho etibar hai kis ka

be wafai shiar hai kis ka

ai ajal sham-e-hijr a pahunchi

ab tujhe intizar hai kis ka

ishq se main khabar nahin ya rab

dagh-e-dil yadgar hai kis ka

dil jo zalim nahin tiri jagir

to ye ujra dayar hai kis ka

mohtasib puchh mai paraston se

nam amurzgar hai kis ka

bazm mein wo nahin uthate ankh

dekhna nagawar hai kis ka

pahne phirta hai matami poshak

asman sogwar hai kis ka

chain se so raho gale lag kar

shauq-e-be ikhtiyar hai kis ka

ap sa sab ko wo samajhte hain

motabar inkisar hai kis ka

yar ke bas mein hai ummid-e-wisal

yar par ikhtiyar hai kis ka

ap bimar ham hue ruswa

sarnigun razdar hai kis ka