نہ کوئی ان کے سوا اور جان جاں دیکھا

نہ کوئی ان کے سوا اور جان جاں دیکھا

وہی وہی نظر آئے گا جہاں جہاں دیکھا

بہشت میں بھی اسی حور کو رواں دیکھا

یہاں جو دیکھ چکے تھے وہی وہاں دیکھا

خزان عمر کجا و کجا بہار شباب

فلک کو رشک ہوا کوئی جب جواں دیکھا

گئے جہان سے جو لوگ دو جہاں سے گئے

کسی نے پھر نہ کبھی اپنا کارواں دیکھا

جلایا بزم میں ہر روز شمع کے مانند

ہزاروں باتیں سنائیں جو بے زباں دیکھا

قیامت آئی یہ تڑپا فراق میں اے برقؔ

نہ پھر زمین کو پایا نہ آسماں دیکھا

na koi un ke siwa aur jan-e-jan dekha

wahi wahi nazar aega jahan jahan dekha

bahisht mein bhi isi hur ko rawan dekha

yahan jo dekh chuke the wahi wahan dekha

khuzzin umr kuja-o-kuja bahar shabab

falak ko rashk hua koi jab jawan dekha

gae jahan se jo log do jahan se gae

kisi ne phir na kabhi apna karwan dekha

jalaya bazm mein har roz shama ke manind

hazaron baten sunaen jo be zaban dekha

qayamat ai ye tarpa firaq mein ai barq

na phir zamin ko paya na asman dekha