نہ چھٹا ہاتھ سے یک لحظہ گریباں میرا

نہ چھٹا ہاتھ سے یک لحظہ گریباں میرا

چشم تر ہی پہ رہا گوشۂ داماں میرا

جس طرف گزرے کرے روئے زمیں کو گل زار

سیر گلشن سے پھرے جب گل خنداں میرا

کھیلیں آپس میں پری چہرہ جہاں زلفیں کھول

کون پوچھے ہے وہاں حال پریشاں میرا

بخت ہیں شور یہ اپنے ہی کہ وہ نوشیں لب

اوروں کا چشمۂ حیواں ہے نمکداں میرا

اوروں کی آنکھوں کو دیکھوں ہوں میں دیدار نصیب

بنا رونے کو یہی دیدۂ گریاں میرا

دور اس لب سے جو گزرے ہے دل پر خوں پر

جانے میرا ہی جگر اور یہ دنداں میرا

بے اجل مرتا رہا عشق میں اس کے عمر بھر

کہوں کس منہ پہ میں حسرتؔ وہ ہے جاناں میرا

na chhuta hath se yak lahza gareban mera

chashm-e-tar hi pe raha gosha-e-daman mera

jis taraf guzre kare ru-e-zamin ko gul zar

sair-e-gulshan se phire jab gul-e-khandan mera

khelen apas mein pari chehra jahan zulfen khol

kaun puchhe hai wahan hal-e-pareshan mera

bakht hain shor ye apne hi ke wo noshen lab

auron ka chashma-e-haiwan hai namakdan mera

auron ki ankhon ko dekhun hun main didar nasib

bana rone ko yahi dida-e-giryan mera

dur us lab se jo guzre hai dil pur khun par

jane mera hi jigar aur ye dandan mera

be ajal marta raha ishq mein us ke umr bhar

kahun kis munh pe main hasrat wo hai janan mera