نہ کہہ حق میں بزرگوں کی کڑی بات

نہ کہہ حق میں بزرگوں کی کڑی بات

کہیں گے لوگ چھوٹا منہ بڑی بات

کہے اک بات پھولے سو شگوفے

شریروں نے بنائی پھلجھڑی بات

متانت ہے بہت کم بولتی میں

خموشی دوپہر ہو دو گھڑی بات

مجھے بھاتا ہے ہلکانا تمہارا

دہن گل کی کلی ہے گل جھڑی بات

بندھے مضمون پر کھولو نہ منہ بحرؔ

مزا دیتی نہیں کانوں پڑی بات

na kah haq mein buzurgon ki kari bat

kahenge log chhota munh bari bat

kahe ik bat phule so shagufe

shariron ne banai phuljhari bat

matanat hai bahut kam bolti mein

khamoshi dopahar ho do ghari bat

mujhe bhata hai halkana tumhara

dahan gul ki kali hai gul jhari bat

bandhe mazmun par kholo na munh bahr

maza deti nahin kanon pari bat