نہ تنہا میں ہی دم بھرتا ہوں تیری آشنائی کا

نہ تنہا میں ہی دم بھرتا ہوں تیری آشنائی کا

جہاں میں شور ہے اے شوخ تیری دلربائی کا

جبین مہر و مہ میں کیا سبب اتنی صفائی کا

انہیں بھی شغل ہے کیا تیرے در پر جبہ سائی کا

لہو کی ندیاں ایام فرقت میں بہاتا ہوں

خیال آتا ہے جب مجھ کو ترے دست حنائی کا

وفا کی ہو کسی کو تجھ سے کیا امید او ظالم

کہ اک عالم ہے کشتہ تیری طرز بے وفائی کا

یہی رہ رہ کے آتا ہے ہمارے دل میں اے عاجزؔ

حسینوں کے دروں پر کیجئے پیشہ گدائی کا

na tanha mein hi dam bharta hun teri ashnai ka

jahan mein shor hai ai shokh teri dilrubai ka

jabin-e-mehr-o-mah mein kya sabab itni safai ka

unhen bhi shaghl hai kya tere dar par jubba sai ka

lahu ki nadiyan ayyam-e-furqat mein bahata hun

khayal ata hai jab mujh ko tire dast-e-hinai ka

wafa ki ho kisi ko tujh se kya ummid o zalim

ke ik alam hai kushta teri tarz-e-be wafai ka

yahi rah rah ke ata hai hamare dil mein ai ajiz

hasinon ke darun par kijiye pesha gadai ka