نہ دیکھوں گا حسینوں کو ارے توبہ نہ دیکھوں گا

نہ دیکھوں گا حسینوں کو ارے توبہ نہ دیکھوں گا

تقاضا لاکھ تو کر اے دل شیدا نہ دیکھوں گا

کروں ناصح میں کیونکر ہائے یہ وعدہ نہ دیکھوں گا

نظر پڑ جائے گی خود ہی جو دانستہ نہ دیکھوں گا

نگاہ ناز کو تیری میں شرمندہ نہ دیکھوں گا

ہٹائے لیتا ہوں اپنی نظر اچھا نہ دیکھوں گا

وہ کہتے ہیں نہ سمجھوں گا تجھے مجذوبؔ میں عاشق

کہ جب تک کوچہ و بازار میں رسوا نہ دیکھوں گا

بلا سے میں اگر رو رو کے بینائی بھی کھو بیٹھوں

کروں گا کیا ان آنکھوں کو جو وہ جلوہ نہ دیکھوں گا

بلا سے میرے دل پر میری جاں کچھ ہی گزر جائے

میں تیری خاطر نازک کو آزردہ نہ دیکھوں گا

اٹھاؤں گا نہ زانو سے میں ہرگز اپنا سر ہمدم

ارے میں اپنی آنکھوں سے انہیں جاتا نہ دیکھوں گا

حسینوں سے وہی پھر حضرت دل دیدہ بازی ہے

ابھی تو کر رہے تھے آپ یہ دعویٰ نہ دیکھوں گا

ذرا اے ناصح فرزانہ چل کر سن تو دو باتیں

نہ ہوگا پھر بھی تو مجذوبؔ کا دیوانہ دیکھوں گا

na dekhunga hasinon ko are tauba na dekhunga

taqaza lakh to kar ai dil-e-shaida na dekhunga

karun naseh mein kyunkar hae ye waada na dekhunga

nazar par jaegi khud hi jo danista na dekhunga

nigah-e-naz ko teri mein sharminda na dekhunga

hatae leta hun apni nazar achchha na dekhunga

wo kahte hain na samjhunga tujhe majzub mein ashiq

ke jab tak kucha-o-bazar mein ruswa na dekhunga

bala se main agar ro ro ke binai bhi kho baithun

karunga kya in ankhon ko jo wo jalwa na dekhunga

bala se mere dil par meri jan kuchh hi guzar jae

main teri khatir-e-nazuk ko azurda na dekhunga

uthaunga na zanu se main hargiz apna sar hamdam

are main apni ankhon se unhen jata na dekhunga

hasinon se wahi phir hazrat-e-dil dida bazi hai

abhi to kar rahe the ap ye daawa na dekhunga

zara ai naseh-e-farzana chal kar sun to do baten

na hoga phir bhi to majzub ka diwana dekhunga