نہ را ابتدا سمجھو نہ راز انتہا سمجھو

نہ را ابتدا سمجھو نہ راز انتہا سمجھو

نظر والوں تمہیں کرنا ہے اب دنیا میں کیا سمجھو

طلب میں صدق ہے تو ایک دن منزل پہ پہنچو گے

قدم آگے بڑھاؤ خود کو اپنا رہنما سمجھو

یہ کیا انداز ہے اتنا گریز اہل تمنا سے

خدا توفیق دے تو اہل دل کا مدعا سمجھو

تمہارے ہر اشارے پر سر تسلیم خم لیکن

گزارش ہے کہ جذبات محبت کو ذرا سمجھو

ہو کوئی موج طوفاں یا ہوائے تند کا جھونکا

جو پہنچا دے لب ساحل اسی کو ناخدا سمجھو

جسے دیکھو وہی بدمست ہی مغرور ہے ہمدم

کوئی بندہ نہیں دنیا میں کس کس کو خدا سمجھو

یہاں رہبر کے پردے میں بہت رہزن ہیں اے اخترؔ

رہو دور اس سے تم جس کو وفا نا آشنا سمجھو

na ra ibtida samjho na raz intiha samjho

nazar walon tumhen karna hai ab duniya mein kya samjho

talab mein sidq hai to ek din manzil pe pahunchoge

qadam age barhao khud ko apna rahnuma samjho

ye kya andaz hai itna gurez ahl-e-tamanna se

khuda taufiq de to ahl-e-dil ka muddaa samjho

tumhare har ishare par sar-e-taslim kham lekin

guzarish hai ke jazbat-e-mohabbat ko zara samjho

ho koi mauj-e-tufan ya hawa-e-tund ka jhonka

jo pahuncha de lab-e-sahil usi ko nakhuda samjho

jise dekho wahi badmast hi maghrur hai hamdam

koi banda nahin duniya mein kis kis ko khuda samjho

yahan rahbar ke parde mein bahut rahzan hain ai akhtar

raho dur us se tum jis ko wafa na ashna samjho