نہ رہا ذوق رنگ و بو مجھ کو

نہ رہا ذوق رنگ و بو مجھ کو

اب نہ چھیڑ اے بہار تو مجھ کو

اب اگر ہیں کہیں تو دیں آواز

کیوں پھراتے ہیں کو بہ کو مجھ کو

اب کسی اور کی تلاش نہیں

ہے خود اپنی ہی جستجو مجھ کو

نہ رہا کوئی تار دامن میں

اب نہیں حاجت رفو مجھ کو

ہائے اس وقت حال دل پوچھا

جب نہ تھی تاب گفتگو مجھ کو

na raha zauq-e-rang-o-bu mujh ko

ab na chher ai bahar to mujh ko

ab agar hain kahin to den awaz

kyun pharate hain ku ba ku mujh ko

ab kisi aur ki talash nahin

hai khud apni hi justuju mujh ko

na raha koi tar-e-daman mein

ab nahin hajat-e-rafu mujh ko

hae is waqt hal-e-dil puchha

jab na thi tab guftugu mujh ko