نہ جنوں جائے گا کبھی میرا
میر کلو عرشنہ جنوں جائے گا کبھی میرا
یار ہے غیرت پری میرا
دل نہ لے اے صنم برائے خدا
کچھ بہلتا ہے اس سے جی میرا
اس کا حیران ہوں جو کہتا ہے
دیکھ لے منہ نہ آرسی میرا
اب نہیں دل کو تاب فرقت کی
دم نکلتا ہے اے پری میرا
لذت قتل کیا کہوں قاتل
چاٹتی ہے لہو چھری میرا
جان جاں ذکر کر نہ جانے کا
دم نکل جائے گا ابھی میرا
غنچۂ گل تو ہنس کے کہتا ہے
منہ چڑھانے لگی کلی میرا
اب کی فرقت میں گر رہا جیتا
دیکھئے گا نہ منہ کبھی میرا
بے نشاں ہوں مثال عنقا کی
نام اے عرشؔ تو سہی میرا
na junun jaega kabhi mera
yar hai ghairat-e-pari mera
dil na le ai sanam bara-e-khuda
kuchh bahalta hai us se ji mera
us ka hairan hun jo kahta hai
dekh le munh na arsi mera
ab nahin dil ko tab furqat ki
dam nikalta hai ai pari mera
lazzat-e-qatl kya kahun qatil
chatti hai lahu chhuri mera
jan-e-jan zikr kar na jane ka
dam nikal jaega abhi mera
ghuncha-e-gul to hans ke kahta hai
munh charhane lagi kali mera
ab ki furqat mein gir raha jita
dekhiyega na munh kabhi mera
be nishan hun misal-e-anqa ki
nam ai arsh to sahi mera