نہ رہے نامہ و پیغام کے لانے والے
مرزارضا برقنہ رہے نامہ و پیغام کے لانے والے
خاک کے نیچے گئے عرش کے جانے والے
کشور عشق کی رسمیں عجب الٹی دیکھیں
سلطنت کرتے ہیں سب دل کے چرانے والے
منعمو عالم دنیا ہے سرائے عبرت
جائیں گے سوئے عدم خلق میں آنے والے
بوریا ساتھ نہ جائے گا نہ تخت سلطاں
سب برابر ہیں بشر خلق سے جانے والے
کوئی باقی نہ رہا ہے نہ رہے گا کوئی
بے نشاں ہو گئے سب شان دکھانے والے
نہ سکندر ہے نہ دارا ہے نہ قیصر ہے نہ جم
بے محل خاک میں ہیں قصر بنانے والے
اپنے اشعار کا اے برقؔ نہ کیوں شہرہ ہو
ساتھ ہیں طائر مضموں کے اڑانے والے
na rahe nama-o-paigham ke lane wale
khak ke niche gae arsh ke jane wale
kishwar-e-ishq ki rasmen ajab ulti dekhen
saltanat karte hain sab dil ke churane wale
munamo alam-e-duniya hai sarae ibrat
jaenge su-e-adam khalq mein ane wale
boriya sath na jaega na takht-e-sultan
sab barabar hain bashar khalq se jane wale
koi baqi na raha hai na rahega koi
be nishan ho gae sab shan dikhane wale
na sikandar hai na dara hai na qaisar hai na jam
be mahal khak mein hain qasr banane wale
apne ashar ka ai barq na kyun shohra ho
sath hain tair-e-mazmun ke urane wale