نہ دیکھا رخ بے نقاب محبت

نہ دیکھا رخ بے نقاب محبت

محبت ہے شاید حجاب محبت

برستا ہے کیف شباب محبت

ہر آنسو ہے جام شراب محبت

عجب جوش پر ہے شباب محبت

محبت ہے مست شراب محبت

زہے خواب و تعبیر خواب محبت

محبت ہی نکلی جواب محبت

مجھے کیا پڑی ہے ترے در سے اٹھوں

ٹھہرنے جو دے اضطراب محبت

دل ذرہ ذرہ ہے طور تجلی

زہے جلوۂ آفتاب محبت

سبھی اٹھ گئے دیدہ و دل سے پردے

نہ اٹھا مگر اک حجاب محبت

نہ رکھو غرض ہم سے اتنا ہی کہہ دو

ہلاک تبسم خراب محبت

لہو کی ہر اک بوند دل بن گئی ہے

خوشا لذت کامیاب محبت

حدود محبت سے بھی بڑھ گئے ہم

سلامت رہے اضطراب محبت

na dekha rukh-e-be naqab mohabbat

mohabbat hai shayad hijab-e-mohabbat

barasta hai kaif-e-shabab-e-mohabbat

har ansu hai jam-e-sharab-e-mohabbat

ajab josh par hai shabab-e-mohabbat

mohabbat hai mast-e-sharab-e-mohabbat

zahe khwab-o-taabir khwab-e-mohabbat

mohabbat hi nikli jawab-e-mohabbat

mujhe kya pari hai tire dar se uthun

thaharne jo de iztirab-e-mohabbat

dil zarra zarra hai tur tajalli

zahe jalwa-e-aftab mohabbat

sabhi uth gae dida-o-dil se parde

na utha magar ik hijab-e-mohabbat

na rakho gharaz ham se itna hi kah do

halak-e-tabassum kharab-e-mohabbat

lahu ki har ik bund dil ban gai hai

khusha lazzat kamyab mohabbat

hudud-e-mohabbat se bhi barh gae ham

salamat rahe iztirab-e-mohabbat