بندہ پرور جو نہ پچھتائیے گا

بندہ پرور جو نہ پچھتائیے گا

بندہ خانہ پہ کبھی آئیے گا

یاد کیجے گا محبت اگلی

غیر کے ملنے سے شرمائیے گا

بوسہ دیجے گا گلے لگ لگ کر

زیادہ اور مجھ کو نہ بکوائیے گا

میرے غماز کو اپنے در سے

دھکے یکبار تو دلوائیے گا

حسن کے صدقے مری خاطر سے

کدر دل ذرا دھلوائیے گا

ستم و جور و جفا کا شیوہ

چھوڑ دیجے گا نہ بل کھائیے گا

طاقت و صبر تحمل میرا

لے کے کچھ اور ہی فرمائیے گا

زندگی ہجر میں ہونا معلوم

جی میں آتا ہے کہ مر جائیے گا

زلف میں دل کو پھنسا کر میرے

آپ شانے سے نہ سلجھائیے گا

صید مطلوب ہو تو بندہ کا سر

اپنے فتراک سے لٹکائیے گا

عرض افریدیؔ کی کیجے منظور

آپ تشریف ادھر لائیے گا

گر نہ مانو گے مری بات سنو

پھر نہ میرے تئیں سمجھائیے گا

یاں پہ موقوف ہے کیا افریدیؔ

منہ نہ پھر حشر کو دکھلائیے گا

banda parwar jo na pachhtaiyega

banda khana pe kabhi aiyega

yad kije ga mohabbat agli

ghair ke milne se sharmaiyega

bosa dije ga gale lag lag kar

ziyada aur mujh ko na bikwaiyega

mere ghammaz ko apne dar se

dhakke yakbar to dalwaiyega

husn ke sadqe miri khatir se

kadar dil zara dhulwaiyega

sitam-o-jaur-o-jafa ka shewa

chhor dije ga na bal khaiyega

taqat-o-sabr tahammul mera

le ke kuchh aur hi farmaiyega

zindagi hijr mein hona maalum

ji mein ata hai ke mar jaiyega

zulf mein dil ko phansa kar mere

ap shane se na saljhaye ga

said matlub ho to banda ka sar

apne fitrak se latkaiyega

arz afredi ki kije manzur

ap tashrif idhar laiyega

gar na manoge miri bat suno

phir na mere tain samjhaiyega

yan pe mauquf hai kya afredi

munh na phir hashr ko dikhlaiyega