نہ دل بھرا ہے نہ اب نم رہا ہے آنکھوں میں

نہ دل بھرا ہے نہ اب نم رہا ہے آنکھوں میں

کبھو جو روئے تھے خوں جم رہا ہے آنکھوں میں

میں مر چکا ہوں پہ تیرے ہی دیکھنے کے لیے

حباب وار تنک دم رہا ہے آنکھوں میں

موافقت کی بہت شہریوں سے میں لیکن

وہی غزال ابھی رم رہا ہے آنکھوں میں

وہ محو ہوں کہ مثال حباب آئینہ

جگر سے اشک نکل تھم رہا ہے آنکھوں میں

بسان اشک ہے قائمؔ تو جب سے آوارہ

وقار تب سے ترا کم رہا ہے آنکھوں میں

na dil bhara hai na ab nam raha hai ankhon mein

kabhu jo roe the khun jam raha hai ankhon mein

main mar chuka hun pe tere hi dekhne ke liye

habab war tunuk dam raha hai ankhon mein

muafiqat ki bahut shahriyon se main lekin

wahi ghazal abhi ram raha hai ankhon mein

wo mahw hun ke misal-e-habab aina

jigar se ashk nikal tham raha hai ankhon mein

basan-e-ashk hai qaim to jab se awara

waqar tab se tira kam raha hai ankhon mein