آدمی

مجھ کو محصور کیا ہے مری آگاہی نے

میں نہ آفاق کا پابند نہ دیواروں کا

میں نہ شبنم کا پرستار نہ انگاروں کا

نہ خلاؤں کا طلب گار نہ سیاروں کا

زندگی دھوپ کا میدان بنی بیٹھی ہے

اپنا سایہ بھی گریزاں، ترا داماں بھی خفا

رات کا روپ بھی بے زار، چراغاں بھی خفا

صبح حیراں بھی خفا، شام حریفاں بھی خفا

خود کو دیکھا ہے تو اس شکل سے خوف آتا ہے

ایک مبہم سی صدا گنبد افلاک میں ہے

تار بے مایہ کسی دامن صد چاک میں ہے

ایک چھوٹی سی کرن مہر کے ادراک میں ہے

جاگ اے روح کی عظمت کہ مری خاک میں ہے

mujh ko mahsur kya hai miri agahi ne

main na afaq ka paband na diwaron ka

main na shabnam ka parastar na angaron ka

na khalaon ka talab gar na sayyaron ka

zindagi dhup ka maidan bani baithi hai

apna saya bhi gurezan, tira daman bhi khafa

rat ka rup bhi be zar, charaghan bhi khafa

subh hairan bhi khafa, sham-e-harifan bhi khafa

khud ko dekha hai to is shakl se khauf ata hai

ek mubham si sada gumbad-e-aflak mein hai

tar-e-be maya kisi daman-e-sad chak mein hai

ek chhoti si kiran mehr ke idrak mein hai

jag ai ruh ki azmat ke miri khak mein hai