بند کر روزن در چاہو کہ رخنہ نہ رہے

بند کر روزن در چاہو کہ رخنہ نہ رہے

تاک پر دیکھے نہیں جھانکنے والے تم نے

منہ کی کھاؤ گے مری جان خدا خیر کرے

منہ لگا رکھے ہیں جس طرح رزالے تم نے

اف کروں دل کے جلن سے تو کلیجہ پھٹ جائے

بلبلو کیسے ہزاروں کئے نالے تم نے

دامن اشک نہ چھوڑوں گا میں اے دیدۂ تر

دل کیا میرا حسینوں کو حوالے تم نے

دست و پا وادئ وحشت کی تمنا تھی تمہیں

آبلے توڑ چکے خار نکالے تم نے

کب شکست ایسے سند ہے کہ دغا کی اے خار

ہاتھ سے پھوڑ لیے پاؤں کے چھالے تم نے

زلف زنجیر جنوں سمجھے بھی اے حضرت دل

کیا پڑا پیچ کہ پاؤں اپنے نکالے تم نے

کس گلستاں کی چمن بندی ہے اے مردم چشم

نخل مژگاں سے بھرے اشکوں سے تھالے تم نے

بلبلیں پھولوں سے نالاں ہیں کہ شبنم کے عوض

قطرہ سیماب کے کانوں میں ہیں ڈالے تم نے

چشم و ابرو سے کسی مست کی بے شک بہہ کے

مے کشو طاق پہ کیوں رکھے ہیں پیالے تم نے

کہیں صورت نہ بندھی نقش تمنا کی نسیمؔ

سیکڑوں سیم بدن سانچے میں ڈھالے تم نے

band kar rauzan-e-dar chaho ke rakhna na rahe

tak par dekhe nahin jhankne wale tum ne

munh ki khaoge miri jan khuda khair kare

munh laga rakhe hain jis tarah rizale tum ne

uf karun dil ke jalan se to kaleja phat jae

bulbulo kaise hazaron kiye nale tum ne

daman-e-ashk na chhorunga mein ai dida-e-tar

dil kiya mera hasinon ko hawale tum ne

dast-o-pa wadi-e-wahshat ki tamanna thi tumhen

able tor chuke khar nikale tum ne

kab shikast aise sanad hai ke dagha ki ai khar

hath se phor liye paon ke chhale tum ne

zulf-e-zanjir-e-junun samjhe bhi ai hazrat-e-dil

kya para pech ke paon apne nikale tum ne

kis gulistan ki chaman bandi hai ai mardum-e-chashm

nakhl-e-mizhgan se bhare ashkon se thale tum ne

bulbulen phulon se nalan hain ke shabnam ke ewaz

qatra simab ke kanon mein hain dale tum ne

chashm-o-abru se kisi mast ki be shak bah ke

mai kasho taq pe kyun rakhe hain pyale tum ne

kahin surat na bandhi naqsh-e-tamanna ki nasim

saikron sim badan sanche mein dhale tum ne