نہ نکلا منہ سے کچھ نکلی نہ کچھ بھی قلب مضطر کی

نہ نکلا منہ سے کچھ نکلی نہ کچھ بھی قلب مضطر کی

کسی کے سامنے میں بن گیا تصویر پتھر کی

خدا سے کیوں نہ مانگوں واہ میں بندوں سے کیا مانگوں

مجھے مل جائے گی جو چیز ہے میرے مقدر کی

تصور چاہئے اے شیخ سب کا ایک ایما ہے

صدا ہے پردۂ ناقوس میں اللہ اکبر کی

دل راحت طلب کو قبر میں کیا بے قراری ہے

مجھے گھبرائے دیتی ہے اداسی اس نئے گھر کی

کلیجے میں ہزاروں داغ، دل میں حسرتیں لاکھوں

کمائی لے چلا ہوں ساتھ اپنے زندگی بھر کی

سنبھل کر دیکھنا آرائشوں کے بعد آئینہ

یہ آئینہ نہیں ہے اب یہ ٹکڑے ہے برابر کی

مرے اشعار شاعرؔ داغ و آصف جاہ سے پوچھو

کہ شاہ و جوہری ہی جانتے ہیں قدر گوہر کی

na nikla munh se kuchh nikli na kuchh bhi qalb-e-muztar ki

kisi ke samne mein ban gaya taswir patthar ki

khuda se kyun na mangun wah mein bandon se kya mangun

mujhe mil jaegi jo chiz hai mere muqaddar ki

tasawwur chahiye ai shaikh sab ka ek ima hai

sada hai parda-e-naqus mein allah akbar ki

dil-e-rahat talab ko qabr mein kya be qarari hai

mujhe ghabrae deti hai udasi is nae ghar ki

kaleje mein hazaron dagh, dil mein hasraten lakhon

kamai le chala hun sath apne zindagi bhar ki

sambhal kar dekhna araishon ke baad aina

ye aina nahin hai ab ye tukre hai barabar ki

mire ashar shayar dagh-o-asaf jah se puchho

ke shah-o-jauhari hi jante hain qadr gauhar ki